HUBA
ERAIKI HUB – Euskadiko Eraikuntza Industrializatuaren Azeleratzailea azpiegitura estrategikoa da, eta Euskadiko eraikuntzaren sektorearen eraldaketa azkartzea dauka helburu, ekoizpen-ereduaren egiturazko aldaketa sustatzeko eta lehiakortasunaren, jasangarritasunaren eta eraginkortasunaren gaur egungo erronketara egokitzeko.
HUBAREN ardatz estrategikoak
Ekosistemaren egituraketa
Gaitasunak integratzen ditugu eragile industrial, teknologiko eta instituzionalen artean, ahaleginak bateratzeko eta sektoreko balio-kate osoa optimizatzeko.
Industrializazioaren sustapena
Eraikuntza-eredu tradizionaletik sistema industrializatuetarantz igarotzeko erraztasunak ematen ditugu, askoz ere eraginkorragoak, jasangarriagoak eta eskalagarriagoak diren prozesuak lortzeko.
Diziplina anitzeko konexioa
Benetako sinergiak sortzeko asmoz, honako hauexen arteko lotune nagusia gara: administrazio publikoa, industria, zentro teknologikoak eta sektore finantzarioa.
Berrikuntzako lidergoa
Honako hauexek oinarri dituen ekoizpen-eredu berria sendotzen dugu: digitalizazio aurreratua, bikaintasun teknikoa eta etorkizunerako talentu espezializatuaren erakarpena.
Helburua
Euskadik eraldaketa historikoari aurre egingo dio: etxebizitza duina, jasangarria eta eskuragarria bermatzeko, eraikuntza-eredua aldatu beharra dago errotik. Sistema tradizionala artisau-prozesuetan, aurreikusgarritasun txikian eta produktibitate geldituan oinarrituta dagoenez, bere egiturazko mugara iritsi da, larrialdi klimatikoa eta belaunaldi-txandaketarik eza ezaugarri bereizgarri dituen testuinguruan.
Obratik fabrikara: eraikuntza aurreratuko liderrak
Gehiago eraikitzea ez ezik, hobeto fabrikatzea ere bada helburua. HUBAK eraikuntzaren bihotza darama aldamiotik fabrikara, eraginkortasuna eta kalitatea berriro zehazten dituen industrializazioa sustatzeko.
Zer bultzatzen dugu?
Koordinaziorako organoa gara, eta Euskadiko gaitasun teknologikoa lotzen dugu etxebizitza publikoaren premia sozialarekin, honako hiru zutabe hauek kontuan hartuta:
Eragiketen eraginkortasuna
Epe laburragoak, gainkostu gutxiago eta jasangarritasunaren bermea.
Sektorearen egonkortasuna
Epe luzera aurreikusi daitekeen proiektu-zorroa sortzen dugu, inbertsio-arriskuak murrizteko.
Tokian tokiko berrikuntza
4.0 manufaktura aurreratuan oinarritutako balio-kate deskarbonizatua sustatzen dugu.
Gure xedea
Euskadi eraikuntza industrializatuko erreferente europar moduan lekuratzea eta, horretarako, makina-erreminta zein digitalizazioa lotzea ongizate sozialarekin.
HUBAREN zeregina
Eraikuntza industrializatua egituratu eta azkartzen duen sustatzailea
HUBA euskadiko administrazioak, enpresak eta zentro teknologikoak integratzen dituen azpiegitura estrategikoa da. Egiturazko aldaketaren suspertzailea gara, sektoreko ekoizpen-eredu berria sendotzeko asmoz.
Jarduketa estrategikoaren ardatzak
Gure lana ekosistema suspertzeko orduan funtsezkoak diren hiru dimentsioren inguruan dago egituratuta:
Koordinazio publiko pribatua
Etxebizitzaren, obra publikoaren eta zaharberrikuntzaren arloko lehentasunak bateratzen ditugu, erabakiak hartzeko prozesurako orientazioa eman nahian.
Gobernantza eraginkorra
Talde sustatzailearen eta bulego teknikoaren bidez lan egiten dugu, politika industrialen zein trantsizio ekologikoaren betearazpena bermatzen dute-eta.
Balioaren sorrera
Honako hauxe garatzen dugu: adimen sektoriala, estandar teknikoak eta Etxebizitza Industrializatuaren Ziurtagiria.
Eragin globala
Irtenbideen eskalagarritasuna eta talentuaren erakarpena errazten ditugu, Euskadi manufaktura jasangarriaren arloko nazioarteko erreferente moduan lekuratzeko asmoz.
Eragiketen egitura
Talde sustatzailea
Zuzendaritza estrategikoa eta politiken baterakuntza.
Lan-taldeak
Garapen tekniko espezializatua eta erronkei aurre egiteko prozesua.
Bulego teknikoa
Euskarri eragilea eta ibilbide-orrialdearen betearazpena.
Egunean egon eraikuntza industrializatuan
Azken berritasunak, Etxebizitza Industrializatuaren Ziurtagiriaren mugarriak eta Euskadiko 4.0 eraikuntzaren norabidea zehazten duten aurrerapen teknologikoak arakatu. Bete-betean eraldatzen ari den sektoreari buruzko azken albisteen berri eduki.
Ibilbide-orria: etxebizitza industrializatzea, eskuragarria izan dadin
HUBa tresna gisa proiektatzen da 2030erako, sektorea egituratu eta konfiantza sortzeko, eta etxebizitza modu aurreikusgarri, efiziente eta eskalagarrian ekoizteko behar diren gaitasunak hornitzeko.
Testuinguru horretan, 2026a izango da jarduera operatiboaren hasiera.
Posizionamendu sektoriala
2026ko REBUILDEN, eraikuntza industrializatuaren euskal eredua erakusleiho estrategiko moduan aurkeztea, inbertsioa, talentua zein aliantzak erakartzeko eta Euskadi sektoreko erreferente europar moduan lekuratzeko.
Etxebizitza Industrializatuaren Ziurtagiriaren hedapena
Honako hauxe helburu duen ziurtagiri ofiziala ezartzea: etxebizitza industrializatua estandarizatzea; kalitatea, jasangarritasuna eta azkartasuna bermatzea; eta segurtasun juridiko zein finantzarioa eskaintzea, inbertsioa eta proiektuen finantzaketa errazteko.
Prestakuntza Plan Integrala
Prestakuntza-programa berriak garatzea Euskadiko Lanbide Heziketaren laguntzaz, XXI. mendeko eraikuntzako profil profesionalak sortzeko, bertan gazteei zein emakumeei lehentasun berezia emateko eta prestatuago dagoen sektore inklusiboagoa nahiz digitalizatuagoa bultzatzeko.
Arintasun administratiboa ("Fast Track" digitala)
Lizentziak eta baimenak bizkortzeko lehentasunezko prozesu digitalak inplementatzea, fabrikan lortutako eraginkortasunaren ondorioz herritarrari azkarrago emango zaiola ziurtatuz.
Gobernantza
HUBA sektore anitzeko lankidetzarako azpiegitura da, eta koordinazio estrategikoa zein betearazteko benetako gaitasuna bermatzea dauka helburu. Bere gobernantza-ereduan, lidergo instituzionala, erakarpen sektoriala eta muskulu industriala bateratzen ditu antolakuntza-arkitektura argi eta eragilepean.
Erakundearen egitura
HUBA honako hauxe kontuan hartzen duen gobernantza partekatuaren bidez dago egituratuta:
Lidergo instituzionala
Erabat bat dator Eusko Jaurlaritzarekin, politika industrialak eta etxebizitza-politikak koordinaziopean aurerra egiten dutela ziurtatzeko.
Ekosistemaren artikulazioa
BUILD:INN (Eraikuntzaren Klusterra) ekosistemaren trakzio-eragile gisa, maila handiko oinarri zientifiko-teknologiko batek lagunduta, eta Tecnalia ezagutza aplikatuaren sorkuntza eta transferentziako nodo nagusietako bat dela.
Gaitasun industriala
Materialen fabrikatzaileak, erreferentziako eraikuntza-enpresak eta ekipamendu-ondasunen zein makina-erremintaren euskal industria ahaltsua jartzen ditu harremanetan, ekoizpen-gaitasuna eta eskalagarritasuna bermatzeko.
Esparru instituzionala
Lan egitean, HUBAK bat egiten du Euskadiko industriaren, etxebizitzaren eta trantsizio ekologiko zein digitalaren arloko estrategia nagusiekin. Integrazio instituzional horri esker, berrikuntza teknologikoa politika industrial aplikatu bihurtzen da, eraginkortasunez, jasangarritasunez eta aurreikusgarritasunez lurraldeko ekoizpen-gaitasuna etxebizitza publiko babestuaren sorrerarantz bideratzeko.
Egitura eta betearazpena: estrategia berriaren giltzarriak
Egitura honek koordinazioa ez ezik, betearazpena ere bermatzen du: gobernantza horrek sektorea barrutik eraldatzea eta Euskadirako eraikuntza-eredu berria sendotzea dauka helburu.